О Пресвятая Дево, Царице небеси и земли, прежде век избранная Невесто Божия, в последняя же времена пришедшая в храм законный на обручение Жениху Небесному! Ты провела еси, Всечистая, вся дни юности Твоея во храме Господнем вдали от соблазнов мира сего, в присном бодрствовании молитвенном и во всяком воздержании душевнем же и телеснем. Даруй же и нам соблюдати себе в чистоте, целомудрии и в страхе Божием во вся дни наши. Помози и нам отражати вся искушения вражеская, от плоти, мира и диавола находящих на ны от юности нашея, и побеждати оныя молитвою и постом. Сподоби же и нам, одержимым леностию, невоздержанием и гордостию, облещися во всякое совершенство духовное. Идеже со всеми святыми сподоби нас выну славити и прославляти всесвятое имя Отца и Сына и Святаго Духа и Твое милостивое заступление ныне, присно и во веки веков. Аминь.
Свежие комментарии